Starfsnemi á sviði markaðssetningar og verkefnastjórnunar hjá Diction Ísland (Kaupmannahöfn)

Starfsnemi á sviði markaðssetningar og verkefnastjórnunar hjá Diction Ísland (Kaupmannahöfn)

Hefur þú áhuga á sölu, markaðssetningu eða verkefnastjórnun? Eða öllu þrennu?! Sem starfsnemi hjá okkur geturðu skerpt á kunnáttu þinni á þessum sviðum og tekið þátt í innreið Diction á íslenskan markað!

Um starfsnámið og verkefnasvið

Sem markaðsfulltrúi og aðstoðarverkefnastjóri í starfsnámi aðstoðar þú verkefnastjóra íslenskusviðs okkar við þjónustu við íslenska viðskiptavini. Að auki sérðu um eftirfylgni verkefna og vinnur að markaðssetningu Diction Ísland sem virkur þátttakandi í þróun íslensku deildarinnar innan Diction, sem var hleypt af stokkunum í desember 2022. Þar með verður þú mikilvægur hluti af vaxandi fyrirtæki, færð verkefni sem þarf að sinna af mikilli ábyrgð og hefur einstakt tækifæri til að prófa kunnáttu þína í verki! Verkefnin eru fjölbreytt og spanna allt frá sölu og eftirfylgni við viðskiptavini til markaðssetningar og samhæfingar verkefna. Það er því mikilvægt að þú getir haft marga bolta á lofti samtímis og unnið sjálfstætt.

Starfsnámið yrði aðlagað námi þínu og við tökum tillit til prófatarna, verkefnavinnu og þess háttar.

Verkefni þín:

• Stjórna og samræma á virkan hátt viðskipti einkaaðila og fyrirtækja við Diction
• Eftirfylgni við viðskiptavini með áherslu á endurtekna sölu

• Markaðstengd verkefni, þar á meðal umsjón með markaðssetningu í gegnum tölvupóst
• Aðstoð við val á þýðendum og prófarkarlesurum fyrir tiltekin þýðingaverkefni
• Aðstoð við viðskiptavini okkar í gegnum síma, tölvupóst og netspjall.
• Þátttaka í matsfundum með verkefnastjóra og forstjóra
• Vinna í forritunum okkar Phrase og XTRF sem við kennum þér að nota

• Önnur tilfallandi verkefni

 Við leitum að manneskju sem: 

• Er annað hvort í BS-, BA- eða meistaranámi
• Hefur gott vald á íslensku, bæði í ræðu og riti og hefur fagleg tök á ensku að auki

• Vinnur markvisst og hefur góða yfirsýn þegar mikið er að gera
• Getur unnið sjálfstætt, er metnaðarfull og tekur ábyrgð á sínum verkefnum.
• Stuðlar að góðu andrúmslofti á skrifstofunni
• Langar að vinna með ungu samstarfsfólki í hjarta Kaupmannahafnar
• Vantar ECTS einingar fyrir starfsnám

Það sem skiptir okkur mestu máli er að þú hafir drifkraft og áræðni og því er ekki afgerandi á hvaða sviði námið er. Fyrri starfsnemar hafa lært allt frá stjórnmálafræði og rekstrarhagfræði til samskipta- og tungumálafræða.

Diction býður þér

• 3.000 DKK á mánuði

• Mikla ábyrgð hjá fyrirtæki í sókn
• Gott og metnaðarfullt samstarfsfólk og gott starfsumhverfi
• Starfsnám í fullu starfi, þ.e. 37 stundir á viku í 3-6 mánuði frá og með haustinu 2023
• Möguleika á ráðningu að loknu starfsnámi
• Meðmæli að loknu starfsnámi

Um Diction  

Diction er danskt sprotafyrirtæki með rætur aftur til ársins 2011. Diction er nýstárleg og ört vaxandi alþjóðleg þýðingastofa sem þjónar stórum viðskiptavinum á borð við Momondo, Sticks'n'Sushi, Bang & Olufsen, PWC, Hugo Boss, Falck, Danmarks Radio, Kaupmannahafnarflugvöll, Red Bull, Meyers og mörgum öðrum. Við erum með litla en afkastamikla skrifstofu á Strikinu í Kaupmannahöfn þar sem við aðstoðum danska, sænska, norska, finnska og íslenska viðskiptavini.

Hjá Diction er mikils metið að andrúmsloftið á skrifstofunni sé gott - við viljum að allt starfsfólk okkar þrífist vel í starfi og leggi sitt af mörkum til góðs starfsumhverfis. Að auki bjóðum við starfsfólki okkar mánaðarlega að hittast utan vinnutíma og gerum þá eitthvað skemmtilegt saman. Við bjóðum einnig upp á hádegismat, nasl, ávexti og annað góðgæti á skrifstofunni.

Skrifstofa Diction er staðsett á Gammeltorv 6, 3. hæð í hjarta Kaupmannahafnar

Viltu vera með í ferðalaginu okkar?

Ef þú hefur einhverjar spurningar um stöðuna er þér meira en velkomið að hafa samband við mannauðsstjóra okkar, Julie Munkø, á [email protected] eða í síma: +45 2227 7016. Umsóknir og fyrirspurnir skulu vera á dönsku eða á ensku.

Sendu okkur umsókn ásamt ferilskrá á pdf eða word formi til: [email protected] merkt “Marketing & projektassistent efterår 2023” í efnislínu. Umsóknarfrestur er til 1. apríl 2023 en vinsamlegast sækið um sem fyrst því við lesum umsóknir þegar þær berast og höldum viðtöl reglulega. Við hlökkum til að heyra frá þér!